Nuştox û şaîr J. Îhsan Espar
Îhsan Espar, 1956 de Pîran de maya xo ra bîyo. Ey 1979 de, Dîyarbekir de Enstîtuyê Perwerdeyî qedênayo.
Kanada piştevaniya Kurdistanê dike
Kanada piştevaniya biryara gelê Kurdistanê ya derbarê serxwebûnê dike.
Kürdlerin Kudüs’ü Kerkük
Kürdistan, bayrağı, milleti ve toprağı ile birdir.
Herêma Kurdistanê nûnerê xwe li Polenda destnîşan kir

Herêma Kurdistanê nûnerê xwe li Polenda destnîşan kir

09 Ağustos 2012 Perşembe 15:46
Nûnerê hikûmeta Herêma Kurdistanê li Polenda hat destnîşankirin û bi vî awayî jî nûnertiyên hikûmeta Kurdistanê li derve gihiştin 14an.

Serokê hikûmeta Herêma Kurdistanê Nêçîrvan Barzanî di 07.08.2012an de biryar da nûnerê hikûmeta Herêma Kurdistanê li Polenda bê destnîşankirin.

Berpirsê pêwendiyên derve yê hikûmeta Herêma Kurdistanê Felah Mistefa ragihand, di berdewamiya siyaseta vebûna li ser cîhanê û dirustkirina pêwendiyên dostane li ser bingeha berjewendiyên hevbeş, ji ber hebûna şertên pêwist, hikûmeta Herêma Kurdistanê biryar da Ziyad Reûf wek nûnerê hikûmeta Herêma Kurdistanê li Polenda destnîşan bike.

Felah Mistefa wiha axivî: “Armanca me xurtkirina pêwendiyên Kurdistan û Polenda ye di warê siyasî, aborî, rewşenbîrî û kulturî de û dirustkirina pireke pêwendiyan di navbera veberhêner û kampanya û odeyên bazirganî û zanîngehên Herêma Kurdistan û Polenda de. Heta niha hejmara nûnertiyên hikûmeta Herêma Kurdistanê li derve gihişt 14 nûnertiyan.”

Meha borî bi amadebûna serokê hikûmeta Herêma Kurdistanê Nêçîrvan Barzanî, wezîrê derve yê Polenda û wezîrên derve yên Swêd û Bulgaristanê, Polenda nûnertiya xwe li Herêma Kurdistanê vekir.(rudaw.net)

Diğer Haberler