Nuştox û şaîr J. Îhsan Espar
Îhsan Espar, 1956 de Pîran de maya xo ra bîyo. Ey 1979 de, Dîyarbekir de Enstîtuyê Perwerdeyî qedênayo.
Kanada piştevaniya Kurdistanê dike
Kanada piştevaniya biryara gelê Kurdistanê ya derbarê serxwebûnê dike.
Kürdlerin Kudüs’ü Kerkük
Kürdistan, bayrağı, milleti ve toprağı ile birdir.
Hînî dewrê xapînayêşê kurdan vîyarto

Hînî dewrê xapînayêşê kurdan vîyarto

06 Ağustos 2012 Pazartesi 23:32
Yew serre ra zêde yo ke rojhelato mîyanên de rejîmê dîktatorîye yew bi yew qelewyenê. Nê prosesî Tûnûs de dest pêkerd, Misir de dewam kerd, Lîbya ra vîyart û ame rejimê Esadî de vindert.

Yew serre ra zêde yo ke rojhelato mîyanên de rejîmê dîktatorîye yew bi yew qelewyenê. Nê prosesî Tûnûs de dest pêkerd, Misir de dewam kerd, Lîbya ra vîyart û ame rejimê Esadî de vindert. Game bi game şarê bindestî azadîya xo gênî xo dest û dîktatoran ra xelesîyenê. Yeno zanayîş ke Herbê Dinya yê yewinî ra pey sînorê Rojhilatê mîyanênî  newe ra ameyê viraştene. Cuwa pey dewletê neweyî virazîyayî û şarê kurdan nê wazîyetî ra yew dîrhem îstîfade nêkerdibi. Seba ke şarê kurdan o wext rêxistin nêbibi, lete bi û binê bandora dewletanê bînan de mend.

Nê perçebîyayîşî heta mudaxaleyê Iraqî (2001) dewam kerd. Kurdan her perçe de zaf rey sere wedarit. Labelê pê qetlîam û dardekerdişan xoverdayîşê înan şikîya û dewletêk dest nîyabî erdê înan ser îttîfak mîyan de keyf kerdênê. Aseno ke îttîfaq şîya ra. Sermîyanê herême vurîyayê. Dengeyê rojhilatê mîyanênî ewro vurîyayê. Hînî do sînorî newe ra  xêz bibî. Vurîyayîşî ra ver vindertiş mumkun nîyo. Kurdê ewroyînî zî nêmanenê kurdanê verînan. No hayîbîyayîşê kurdan hema zî dewam keno. 2001 de Seddam şi. Sûrîye de kurdî ver bi azadîya xo şînê. Hînî wextê şîyayîşê Esadî ame. Hetê tirkîya de zî kurdî pê mucadeleyê xo ameyê sewîyeyêk. Îran xora telî ser de yo.

Ewro ma serra 2012 de yê. Dore resa Beşar Esadî. Nika ma nêzanê Esadî ra dima dore yena kamî. Labelê ma baş zanî ke apey şîyayîş çin o. Çunkî pêameyîşê Lozanî qedîya. Lozan de heqê kurdan amebi werdiş û kurdî xapîyaybî. Erdê înan destê înan ra ame girotiş û înan ra zilm virazîya. Vateyêkê pîlanê ma esto. Vanê; “Eke o wina zulm biko, xelasa ey çin a.” Tarîx zî mojneno ma ke kamî şarê xo rê zilm kerdo ey rê nêmendo û heqê şaran înan pirnikan ra ameyo.

Şima zî zanî ke nê rojanê peyînan de Sûrîye de kurdan çend bajarî girotî xo dest. 12 partîyê kurdan ameyê têhet û konseya netewîye na ro. Wina aseno ke kurdî uca de do bibî wayîrê statuyêkî.  Tirkîya û Îran nika fikirîyenê. Îran paşte dayo Esadî. Tirkîya zî paşte daya muxalîfan. Tirkîya hêna hebo şaş kerd. Va qey Esad zî sey Kaddafî asan şino. Labelê Sûrîye nêmanena rejîmanê bînan. Ferqê sûrîye yo pîl kurd ê. Înan hesabê xo kerdêne ke wa kurdî nêbîbî wayîrê yew statûyêk. Aye ra tirkîya roja ewilî ra destek da muxalîfan. Hetta bingehê nê destekî de kurdî estibî. Labelê kurdanê sûrîye ne hetê Esadî ne zî hetê muxalîfan de ca girot.  Hînî dewrê xapînayîşê kurdan vîyart. Heta nika tirkîya karê xo yê teberî pero înkarê heqanê kurdan ser nabi ro.  Nê rojan de zî xo nata weta dana û wazena ke wa kurdî sûrîye de nêbî wayîrê statuyêkî. Serekwezîr Erdogan ge şi Rûsya ge şi Îran ge zî şi Amerîka la tu netîceyêk nêgirot. Nika sûrîye de, hetê kurdan ra pêro dînya ra mesajêko pîl ame dayene. Tirkîya fikirîyena ke dolabêk tabida. Gereke hînî heqê kurdan ra hurmet bikerî. Sewbîna yew rayîrêk nêmendo.

...

Kurdî hetê nê dewletan ra timûtim kewtê mîyanê dame. Erdê kurdan de serdestî pê polîtîkayanê “perçe bike îdare bike” kurdî îdare kerdî. Seba ke şeklê kurdan vilakerde bi û yewbînan ra dûrî bîy nêeşkayê merkezêk de organîze bibî. Mavajîme nêeşkayê sey neteweyêk tarîx de cayê xo bigêrî. her tim erzîyayê ver, herb kerdo, gûnîya xo rişnaya. Ê dewletan zî pê îttîfakan kurdî îdare kerdî.

Tarîxê kurdan tarîxeko trajîk o. Bindestîye seke bîya qederê înan. Ewro ma hê asrê 21.de. Hînî ma eşkenê vajê kurdî hîşyar bîyê. Tabî heta na merhele bedelê pîlî ameyê dayene. Hînî heme perçeyê kurdan yewbînan ra hayîdar ê. Semedê kurdan çîyêko tewr trajîk zî mîyanê xo de dişmenatîye ya. Heta ewro serdestan na kerda firsendêk û kurdî dayî yewbînan ro. Mi gore eger kurdî yewbînan nêkişî kes nêşkeno înan dir sere vejîyo.

Eke ma hêna bêrî wazîyetê Sûrîye ser o çîyêko mi peynî de vat vejîyayo ver. Yanî hînî kurdî yene têhet û pîya semedê heqê kurdan hereket kenê. Tem na game de dewleta Tirkîya faalîyet kena. Mîsal: wezîrê karê teberî Ahmet Davûtoxlû çend rojî vere cû şi herema federal a Kurdîstanî. Uca de Brêz Barzanî dir ame yew ca. Gêreno ke Barzanî û kurdanê bînan bîyaro têver. Tay mesajî ameyê dayene. La Barzanî nîyetê înan zano. Zano ke Tirkîya wazena wa kurdî nêbî wayîrê statûyêkî.

Davûtoxluyî ra dima Kongreya Komela Demokratîk (KCD) şî herema Kurdîstan. Zerê Tirkîya ra nêno ke uca ra vajo Kurdîstan. Vana “Kuzey” nika zî Rojavaya Sûrîye ra zî vana “ Kuzey ”. Tirkîya hêna hesabo şaş kerd. va belkî “Esad şino ma Sûrîye ra îstîfade kenê.” Şîyayîşê Esadî tay mend. Labelê tirkîya hewna kewta derdê kurdan. Çunkî statûyêk Sûrîye de vejîya orte tesîrê heme parçeyan kena. Eke Tirkîya bizanên wina beno wina yew posîzyonêk nêgirotênê. Hema Tirkîya zerê xo de meseleya kurdan safî nêkerda. Teberê Tirkîya de vana “ez kurdan înkar nêkena. Ma welatêko demokratîk ê.” Labelê zerreyê Tirkîya de wazîyet wina nîyo. Her roje temsîlkarê kurdan tewkîf benê. Operasyonê eskerî bêmabên dewam kenê. Hema alfabeyê kurdî nîno naskerdene. Nameyê parqan yesax benê. Peynî de zî serekê beledîya Sêrtî Selîm Sadak wezîfe ra dûrî visya. Hema zî pê tedbîranê asayîşî ewnîyenî mesela ra. Hînî yeno zanayîş ke meseleya kurdan meseleya asayîşî nîya û zere Tirkîya ra zî îbaret nîya. Dorûverê Tirkîya heme hêdî-hêdî beno kurd. Hûdûdî di derga-derg benê. Kişta tirkîya de 2 cîya xoserîye ronîyayî...

(Enwer / Zazakionline.com)

Diğer Haberler

Diğer Haber Başlıkları
04 Temmuz 2017 Salı 00:01
13 Haziran 2017 Salı 09:04
13 Haziran 2017 Salı 09:01
03 Mayıs 2017 Çarşamba 10:01
14 Nisan 2017 Cuma 17:17
13 Nisan 2017 Perşembe 12:41
13 Nisan 2017 Perşembe 11:13
13 Nisan 2017 Perşembe 11:11
30 Mart 2017 Perşembe 06:30
23 Mart 2017 Perşembe 15:10