Nuştox û şaîr J. Îhsan Espar
Îhsan Espar, 1956 de Pîran de maya xo ra bîyo. Ey 1979 de, Dîyarbekir de Enstîtuyê Perwerdeyî qedênayo.
Kanada piştevaniya Kurdistanê dike
Kanada piştevaniya biryara gelê Kurdistanê ya derbarê serxwebûnê dike.
Kürdlerin Kudüs’ü Kerkük
Kürdistan, bayrağı, milleti ve toprağı ile birdir.
Pênûs bi soranî dizane, lê kurmancî na!

Pênûs bi soranî dizane, lê kurmancî na!

07 Eylül 2012 Cuma 16:51
Saziya Karê Diyanetê ya Tirkiyeyê demek berê ‘Pênusa bi deh zimanan Quranê dixwîne’ derxist. Di nav van zimanan de kurdî jî heye. Lê ne zarayên kurdî yê ku li Bakurê Kurdistan û Tirkiyeyê tên axaftin, kurmancî anjî kirmanckî, lê zaravayê soranî.

Saziya Karê Diyanetê ya Tirkiyeyê demek berê ‘Pênusa bi deh zimanan Quranê dixwîne’ derxist. Di nav van zimanan de îngilîzî, almanî û 8 zimanê din jî hene, herwiha kurdî jî heye. Lê ne zarayên kurdî yê ku li Bakurê Kurdistan û Tirkiyeyê tên axaftin, kurmancî anjî kirmanckî, lê zaravayê soranî.

“Pênusa bi 10 zimanan Quranê dixwîne” ji aliyê weşanxaneya girêdayî Karê Diyanetê ya bi navê Çelik hatiye derxistin. Di nava van zimanan de îngilîzî, almanî, spanî, fransî, erebi û kurdî jî hene. Lê di şûna kurmancî anjî kirmanckî de, pênus bi soranî dizane. Ev Quran jî weke xizmetguzariyek ji bo hevwelatiyên Tirkiyeyê hatiye amadekirin, bêguman ji bo Kurdên li Tirkiye û Bakurê Kurdistane jî. Lê tê zanîn ku zaravayê soranî li Tirkiyeyê û Bakurê Kurdistanê nayê axaftin û kes nizanê ji bona çi soranî di sîstemê de heye lê ne kurmancî anjî kirmanckî. Ev pênûsên Quranê niha li gellek bajarên Ewropayê jî di mizgeftên girêdayî Diyanetê de tên firotin.

Berpirsyarê firotinê: Kes fêm nake

Berpirsyarê firotina van pênûsan li mizgefteke girêdayî Diyanetê bi navê A. O., ku bi eslê xwe Tirk e, vî tiştî ecêb dibîne. A.O. wiha got; “Gellek Kurd hene tên mizgeftê, ez ji wan re dibêjim kurdî jî heye di vê Quranê de û bi wan didim guhdarî kirin lê ti kes tiştekî fêm nake. Matmayî dimînin û dibêjin ‘ev bi soranî ye‘. Lê kesên soranî diaxivin nayên mizgeftê. Ez nizanim ji bo çi kurdiya li Tirkiyeyê tê axaftin tine û çima soranî heye. Li gorî min biryarek şaş e.“ Kurdê bi navê Mehmet Tekîn jî biryarê rexnê dike û nêrîna xwe bi van gotinan tîne ziman; “Ev helwestek siyasî ye. Eger Karê Diyanetê samîmî bûya, gerek ev bi kurmancî bûya, ne soranî. Di bin vêya de tiştekî din heye.“

Pênûsa Quranê dixwîne ji bo wan kesên ku nizanin Quranê bixwînin hatiye amadekirin. Bawermend pênusê li ser ayetan digerîne û kijan zimanî bixwaze bi wî zimanî pênûs bi dengekî bilind ayetan dixwîne.(Rûdaw)

Diğer Haberler