Nuştox û şaîr J. Îhsan Espar
Îhsan Espar, 1956 de Pîran de maya xo ra bîyo. Ey 1979 de, Dîyarbekir de Enstîtuyê Perwerdeyî qedênayo.
Kanada piştevaniya Kurdistanê dike
Kanada piştevaniya biryara gelê Kurdistanê ya derbarê serxwebûnê dike.
Kürdlerin Kudüs’ü Kerkük
Kürdistan, bayrağı, milleti ve toprağı ile birdir.
Şîretê Bedîuzzeman Mela Seîdê Kurdî

Şîretê Bedîuzzeman Mela Seîdê Kurdî

23 Mart 2017 Perşembe 15:05
Ey Milletê Kurd! Îttîfaq di qewet, îttîhad di heyat, birayey di se’adet, hukûmat di selamet est o.
Ey Milletê Kurd!
 

Îttîfaq di qewet, îttîhad di heyat, birayey di se’adet, hukûmat di selamet est o.

Hin bikerî îttîhad û şerîtê muhabbetî pêt bigêrî ki wa şima zî bela ra bixelisno.

Rind goşê xu bidî, ez go şima rê çîyêk vaja. Şima bizanî ki hîrê cewherê ma est î, hifzê xu ma ra wazenî:

Yew îslamîyet o ki hezar-hezar guîna şehîdan vayeya (vaya) ey daya,

Ê dîyinî însanîyet o, lazim o ki ma xu çimê şarî di pê xizmeto aqlî, ciwanmêrey û însanetey xu nîşanê înan bidî.

Ê hîrênî millîyetê ma yo ki mezîyet dayo ma, verênê ma ki bi holeya xu weş î. Ma karê xu reyra, hifzê milleta xu [kerdiş] reyra, ruhê înan tirba înan di şad bikerî.

Nînan ra dima hîrê dişmenî ma est î ki ma kenî xirab (ma pê înan xirab benî):

Yew tira feqîrey a. Çewres hezar hemalê Istanbolî delîlê naye yo.

Ê dîyinî cahaletey/cahîley û nêwendiş o, delîlê ey no yo ki mîyanê ma di, hezaran ra yew, nêşno rojname biwano.

Ê hîrênî dişmeney û îxtîlaf o ki no ‘edawet qewetê ma keno vîndî û ma keno musteheqê terbîye, û hukûmat zî bêînsafîya xu ra zilm ma keno.

Eke şima nînan eşnawitî, bizanê çareyê ma no yo ki; ma [ganî] hîrê şimşêrê elmasan bigêrî destê xu ta ki ma heme hîrê cewheranê xu xu dest ra nêvejî, heme hîrê dişmenanê xu zî xu sera wedarî.

Şimşêro ewil perwerdehey û wendiş o.

O dîyin îttîfaq û muhabbeto millî yo.

O hîrên însan bi xu, gureyê xu biko û sey sefîlan qudretê şarî ra hêvî nêkero û paşta xu nêdo înan.

Wesîyeto peyên:

Wendiş, wendiş, wendiş

Destê yewbînan girotiş, destê yewbînan girotiş, destê yewbînan girotiş.

Seîdê Kurdî,

* Bedîuzzeman seba cahîley ra xelisnayîşê kurdan û heme milletanê bisilmanan û seba zanayebîyayîşê înan gelek cehd kerdo û epey meqaleyê nuştî, înan ra yew zî kirdasî yo û rojnameyê “Kürt Teavün ve Terakki Gazetesi” de 1908 de weşanîyayo. Ma no meqale kitabê “İçtimaî Dersler Rîpel; 509 Weşanên Zehra “ ra girot û açarna kirdkî/zazakî.

(Açarnayox: Serdar Bedirxan)

Diğer Haberler

Diğer Haber Başlıkları
04 Temmuz 2017 Salı 00:01
13 Haziran 2017 Salı 09:04
13 Haziran 2017 Salı 09:01
03 Mayıs 2017 Çarşamba 10:01
14 Nisan 2017 Cuma 17:17
13 Nisan 2017 Perşembe 12:41
13 Nisan 2017 Perşembe 11:13
13 Nisan 2017 Perşembe 11:11
30 Mart 2017 Perşembe 06:30
23 Mart 2017 Perşembe 15:10